«Atameken» ақпараттық сервисі (бұдан әрі – Сервис) басқарушы компанияның мүлкіне берілген активтер (бұдан әрі – активтер) туралы ақпаратты қарауға арналған. Бұл Қазақстан Республикасының 2023 жылғы 12 шілдедегі «Мемлекетке заңсыз иеленілген активтерді қайтару туралы» Заңымен көзделген негіздер бойынша жүзеге асырылады. Сондай-ақ, мұндай активтерді жалға беру, сенімгерлік басқаруға беру, консервациялау немесе сату (аукциондар мен тендерлер) арқылы басқару Қазақстан Республикасы Премьер-Министрінің орынбасары – Қаржы министрінің 2023 жылғы 5 қазандағы № 1061 бұйрығымен бекітілген Басқарушы компанияға берілген активтерді басқару қағидаларына (бұдан әрі – Қағидалар) сәйкес жүзеге асырылады.

Сервиске қолжетімділік мына тұлғаларға беріледі:

Басқарушы компанияға

Басқарушы компания Қазақстан Республикасы Үкіметінің 2023 жылғы 21 қыркүйектегі № 824 қаулысына сәйкес айқындалған. Басқарушы компанияға («Қайтарылған активтерді басқару компаниясы» ЖШС ) қолжетімділік заңды тұлғаның электрондық цифрлық қолтаңбасына енгізілген БСН арқылы автоматты түрде беріледі.

Жеке тұлғаларға

Қағидалардың 14-тармағына сәйкес, басқарушы компания өз мүлкіне берілген активтер туралы ақпаратты Заңға сәйкес мемлекеттік мүлік тізілімі веб-порталында орналастырады. Осылайша, активтер бойынша деректер базасына қол жеткізу үшін веб-порталда (Сервиске) авторизация қажет емес. Сервиске қолжетімділікті Қазақстан Республикасы Үкіметінің 2011 жылғы 15 шілдедегі № 802 қаулысына сәйкес мемлекеттік мүлікті есепке алу саласында Бірыңғай оператор болып айқындалған «Ақпараттық-есеп орталығы» АҚ қамтамасыз етеді.